Navenda Ragihandina Hêzên Ewlekariya Hundirîn (Asayîş) bi daxuyaniyekê nasnameya şehîd Nîdal Amanos eşkere kir.
Berfirehiya daxuyaniya Asayîşê wiha ye:
“Li ser navê Fermandariya Giştî ya Hêzên Ewlekariya Hundirîn (Asayîş) em sersaxiyê ji malbata şehîd Nîdal Amanons (Hikmet Reşo) re dixwazin. Nîdal di 9ˊê Çileya 2026ˊan de şehîd bû. Di 1994ˊan de li Şamê ji dayik bûye, di 2013ˊan de li Efrînê tev li şoreşê bûye.
Di dema xizmetên xwe de şehîd Nîdal 2 dewreyên perwerde dîtine. Performansa wî ya xurtkirina ewlehî û aramiya li herêmên tê de kar kiriye weke Efrîn, Şehba û Helebê bi pêş ketiye. Di hemleyên leşkerî yên li Heleb, Şehba û Efrînê de jî beşdar bûye.
Şehîd Nîdal ji destpêkê ve parastina xelkê xwe yê li taxên Şêxmeqsûd û Eşrefiyê girtiye ser xwe, mînaka dîsplîn, wêrekî û barhilgirtinê bû.
Em sersaxiyê ji malbata şehîd Nîdal dixwazin û diyar dikin ku li ser rêça şehîdan bimeşin û armancên ji bo wê şehîdan bûne temam bikin heta siberojeke ewle, wekhev û aram ji gel re pêk tê.
Nasnameya şehîd wiha ye:
Nasnav: Nîdal Amanos
Nav û paşnav: Hikmet Reşo
Navê dayikê: Heyat
Navê bav: Ehmed
Cih û dîroka şehadetê: Heleb-Eşrefiyê-09ˊê Çileya 2026ˊan.”
