Hate diyarkirin ku beriya hatina havînê wê li Parîsê di navbera Fransa û Vanuayuyê de têkildarî mijara serweriya giravên Matthew û Hunterê yên li Okyanûsa Pasîfîkê hevdîtin werin kirin.
Berdevkê Wezareta Karên Derve ya Fransayê Pascal Confavreux got ku wê di nava demeke kurt de têkildarî diyarkirina sînorê behrî yê di navbera her du welatan de hevdîtin werin kirin.
Giravên Matthew û Hunter ên li başûrê Pasîfîkê ne û kes lê namînin, li gel biçûkbûna xwe jî bûye qadeke aborî ya Fransayê ya ji 350 hezar kîlometreçargoşeyî.
Vanuatu jî ji sala 1980’yan ve ye îdîa dike ku giravên berbehs ên wê ne.
Aliyan di sala 2025’an de têkildarî mijara serweriya behrê li gel lêgerînên lihevkirinê dest bi hevdîtinan kiribûn. Lê belê pêvajo ji ber hilbijartinên li Kaledonyaya Nû hatibû taloqkirin.
Serkwezîrê Vanuatuyê Jotham Napat çend rojan beriya niha daxuyaniyek dabû û Fransa bi ‘’sepanên mêtingehkariyê’’ sûcdar kiribû û anîbû ziman ku ger encam neyê bidestxistin ew ê serî li rêyên dîplomasiya navneteweyî û hiqûqî bidin.
Rêveberiya Parîsê jî diyar dike ku ew ê dev ji îdîaya xwe ya têkildarî serweriya giravên Matthew û Hunterê bernede û da zanîn ku ew amade ne girîngiya giravan a çandî û kevneşopî ya ji bo Vanuatuyê nîqaş bikin.
