Charles Kushner, ji aliyê Wezareta Karên Derve ve têkildarî daxuyaniya rêveberiya DYE’yê û ji aliyê Sefaretxaneya Bilind a DYE’yê ve ji nû ve hatibû parvekirin a li ser kuştina ciwanê rastgir ê 23’ê salî yê bi navê Quentin Deranque hatibû vexwendin. Sefîrê Bilind di peyama xwe de serî li dijberiya çepgiriyê dabû û anîbû ziman ku divê agahiyên têkildarî bûyerê ‘’wan hemûyan endîşe’’ bike.
Wezîrê Karên Derve yê Fransayê Jean-Noel Barrot beşdarnebûna Kushner weke li dijî tehamulên dîplomatîk pênase kir. Wezaretê li ser vê yekê ragihand ku Sefîrê Bilind ê DYE’yê ji niha û şûnde nikare bi awayekî rasterast xwe bigihîne rayedarên hikûmeta Fransayê. Sefaretxaneya Bilind a DYE’yê jî têkildarî bûyerê daxuyaniyek neda.
Her çend Barrot diyar kir ku wê bûyer zirarê nede têkiliyên di navbera her du welatan de jî anî ziman ku wê welatên biyanî nikarin destwerdana nîqaşên siyaseta hundirîn a Fransayê bikin. Her wiha wezaretê diyar kir ku DYE wê pêkanîna li ser hin kesên Ewropayî jî bîne rojevê.
Hêjayî bibîrxistinê ye ku rêveberiya DYE’yê kuştina ciwanê berbehs weke ‘’tundiya siyasî ya çepgiriya tundraw’’ pênase kiribû û bang kiribû ku berpirsiyar werin darizandin. Fransa jî li dijî amûrîkirina bûyerê ya bi armancên siyasî derketibû.
Kuştina berbehs li Fransayê rê li ber derketina nîqaşên siyasî yên mezin vekir û Serokkomarê Fransayê Emmanuel Macron jî anîziman ku ew ê têkildarî têkoşîna li dijî komên tundraw civînekê li dar bixin.
Charles Kushner, weke bavê Jared Kushner ê zava û şêwirmendê Serokê DYE’yê Donald Trump tê naskirin.
