Taziyeya ku ji bo endamên Tevgera Azadiyê ya Kurdistanê ku di dem û dîrokên cuda de şehîd bûne, li Parka Koşuyoluyê ya Amedê hatibû danîn, di roja sêyemîn de bi dawî bû û wê îro çalakiya bîranînê bê lidarxistin.
Komeke ku ji Êlihê hat, bi dirûşme û çepikan hatin Parka Koşuyoluyê ku bîranîn lê bê lidarxistin. Bi sedan kesên ku bi dirûşmeyên “Şehid namirin”, “Riya şehid riya me, PKK partîya me”, “Be Serok jiyan nabe” û “Bijî Serok Apo” meşiyan, bi çepik û tilîliyan hatin cihê bîranînê.
Girseyê sersaxî ji malbatên şehîdan re xwestin û wê tevlî bîranînê bibin.
