Komek şêxên eşîrên Iraqê derbarê êrîş û dagirkeriya dewleta Tirk ya li ser xaka Başûrê Kurdistanê û piştgiriya xwe ya ji bo Partiya Karkerên Kurdistan (PKK) daxuyaniyek hevbeş belav kirin.
Di daxuyaniyê hate gotin ku dewleta Tirk ya dagirker êrîşên xwe yên ji bo valekirin û şewitandina gund, bajarokan yên li ser xelkê Herêma Kurdistan û Iraqê dewam dike. Hate gotin ku dewleta Tirk gef li xelkê gundan dixwe da ku malên xwe vale bikin û herêmê bi hêcetên ne rewa vegerîne qadek leşkerî.
Di dewama daxuyaniyê ev tişt hatin gotin;
“Em baş dizanin PKK’ê dijî DAÎŞ’ê şer kir, lê Tirkiye piştgiriya DAÎŞ’ê dike. Hemû karên dewleta Tirk dike, ji bo dagirkirina qadên li herêm û dijî gelên Iraqê giştî, taybet jî Kurdane.
Li beramberî vê PDK hevkariyê dike û hikumeta Bexda jî bêdenge, bêdengî jî li ser sucên dewleta Tirk a dagirker gumanê çêdike.
Em weke şêx, eşîr û kesayetên Iraqê, ev êrîşane red dikin, bang li civaka nanetewî, Hikumeta Iraq û Parlamentoya Iraqê dikîn ku berprisyarên xwe yên mirovî, exlaqî, yasayî yên dijî sucê ne mirovane pêkbînin û dawî li van êrîşên dewleta Tirk a dagirker bînin.
Pêwîste civaka navneteweyî û Hikumeta Iraqê, ji bo rê li van êrîşên ser gel û xaka me, tedbîrên pêwîst bigirin. Em jî amade ne parastina serweriya Iraqê bikin, ji ber ku dewleta Tirk dixwaze demografiya herêmê biguherîne û çavkaniyên Iraqê talan bike.
Em bi gelê xwe yê li Herêma Kurdistan û Iraqê re ne û dagirkeriya dewleta Tirk red dikin. Em vê yekê dibêjin, hemû karên dewleta Tirk dike, sucin. Ev yek we dike ku îradeya me ji bo parastina serweriya Iraq, xaka û gelê me zêde bike.”
Navê şêxên eşîrên Iraqê yên ku dijî dagirkeriya dewleta Tirk di vê daxuyaniya hevbeş de cih girtine, evin:
Şêx Teklif el-Ebd Elî Cibûr: Şêxê eşîra Cibûrî
Seyîd Ehmed Elewî Heyderî: Şêx eşîra Sedat Heyderî
Seyîd Nazim Şerîfî: Şêxê eşîra Sedat Şerfa li Firatê Navîn
Şêx Malik Casim Îfarî: Şêxê eşîra Îfarî li Firatê Navîn
Seyîd Xezalî Atiya Mûsewî li Dîwaniyê
Şêx Zahir Kazim Marhûn: Şêxê Giştî yê eşîra Kerît
Şêx Cemal Ferîd Hemîdayî: Şêxê Giştî yê eşîra Hemîdatê
Şêx Emîr Musana Hesnewî: Şêxê giştî yê eşîra Benî Hesen
Şêx Mohan Emîrê Al Atiyah: Şêxê Giştî yê eşîra El Şibl
Seyîd Huseyîn Berekat Şamî: Şêxê giştî yê eşîra Sedat Gawalb
Şêx Mutaîb Mihemed Şemerî: Şêxê eşîrên Şemer li Firata Navîn
Şêx Mihemed Evdil Emîr Şalan Kerawî: Şêx giştî yê eşîrên Akra
Şêx Raad Huseyîn Xefacî: Şêxê eşîra Xefaciyan li Necefê
Şêx Xalid Cehl Natur: Şêxê binemala Şebal a Dîwaniyê ye
Seyîd Hemîd Merzûq Abadî: Şêxê giştî yê Awabd
