Gerîlaya YJA Starê Evîndar Zagros û gerîlayê HPG’ê Şerzan Hawar anîn ziman ku ew ê têkoşîna xwe mezintir bikin û azadiya Rêber Apo misoger bikin. Gerîlayan bi wesîleya salvegera 27’emîn a komploya 15’ê Sibatê ev nirxandin kirin:
Evîndar Zagros: Wekî tê zanîn 15’ê Sibatê ji bo me û ji bo gelê cîhanê weke rojekî reş tê dîtin. Ev roj ji bo me rojekî bi lanet e. Dîlgirtina Rêber Apo ji bo me qutbûna ji gerdûnê ye. Em wek şagirtin Rêber Apo rexnedayîna xwe dikin û vê rojê lanet dikin. Em ê têkoşîna xwe xurtir bikin ku bikaribin di pêşerojê de zêdetir gavên dijmin vala der bixin. Di vê têkoşînê de roja îro berxwedaniya gelê Kurd û yekitiya gelê Kurd bi ked û berxwedaniyeke pir mezin a Rêber Apo ji dijmin re îradeyekî pir xurt nîşan da. Heman demê da nîşan ku gelê Kurd ne bi tenê ye xwedî Rêberekî mezin e. Rêberekî dibe ku wekî fîzîkî dîl hatibe girtin lê belê di warê mêjî û ruhî de Rêber Apo di dilê herkesî de ye. Rêber Apo her tim li gel me ye. Di nava dil û mêjiyê me de ye. Em biçin ku derê jî em li ku derê Rêber Apo bixwînin, her tim di her kêliya jiyana me de bi me re ye. Îro em sekna gelê Kurd bi vî rengî dibînin. Li her çar parçeyên Kurdistanê yekitiya gelê Kurd ji bo me girîngiyekî pir mezin e. Berxwedaniya Rêber Apo nîşan da ku gelê Kurd ne bi tenê ye xwedî rêberekî wisa ye. Rêber Apo jî ne bi tenê ye bi milyonan gelê li cîhanê li kêleka Rêber Apo ne. Rêber Apo di cîhanê de mirovê herî azad e. Em ê ti caran Rêber Apo di nava çar dîwaran de nehêlin. Em wekî şagirt û milîtanên Rêber Apo çi zorî û zehmetî hebe têkoşînekî çawa ji me bê xwestin jî em di her astê de xwe amade dikin. Em di nava amadekariyek mezin de ne. Îro pêvajo ji me siyaset bixwaze em ji bo sîyasetê amade ne û ji me şer bixwaze em ji bo şer jî amade ne. Ya herî girîng ji bo me azadiya fîzîkî ya Rêber Apo ye. Îro mafê hêviyê dikeve dewrê lê dewlet qebûl nakin ku azadiya Rêber Apo pêk were. Ji ber ku dizanin ku Rêber Apo xwedî hêzekî çawa ye. Ger Rêber Apo azad bibe wê pergala wan tune bibe. Wê heqîqet derkeve holê û ronahî bigihîje civakê. Li ser vê esasê dijmin îro hemû hewldanên xwe dide ku Rêber Apo neyê azadkirin û her tim dîl bimîne. Em dibêjin ku her çiqasî Rêber Apo dîl hatibe girtin jî roja îro di hemû cîhanê de her kesek fikrên Rêber Apo dixwîne û her kesek vê ronahiyê di dilê xwe de hîs dike. Hîs dike ku azadiya wî tenê bi azadiya Rêber Apo ve misoger dibe. Em jî weke gerîlayên YJA Starê li ser van çiyayan têkoşînekê didin meşandin. Erk û misyonê ku ji me tê xwestin bi taybetî wekî jin em ê pêşengtiya vê bikin. Em di ferqa tiştê ku Rêber Apo ji me dixwaze de ne. Bi taybetî ji bo tevahiya jinên cîhanê Rêber Apo erkên mezin dide pêşiya wan. Rêber Apo ji bo pêşengtiya jinan û azadiya wan li Îmraliyê 27 salan bi kedeke mezin berxwedaniyek da meşandin. Banga me ji bo hemû jinên cîhanê ye ku vê yekê bibînin, Rêber Apo bixwînin, zêdetir Rêber APO nas bikin û azadiya xwe li gel Rêber Apo bibînin. Em vê roja reş carek din lanet dikin û em dibêjin ku wê di sala pêşiya me de azadiya Rêber Apo misoger bibe.’’
Şerzan Hawar: Hemû şehîdên ku ji bo Rêber Apo xwe kirin xelekek ji agir bi hurmet bi bîr tînin û bejna xwe li hemberî bîranîna wan ditewînin. Armanca kmploya ku di şexsê Rêber Apo de pêk hat, avakirina herêmeke bi aloz bû. Yên ku fikr û felsefeya Rêber Apo ji xwe re asteng dîtin, hêzên komploger bûn. Di serî de Emerîka û Îsraîl, bi dehan dewletên din di nava komploya navneteweyî de rolek sereke lîstin. Lê bi sekn û berxwedana Rêber Apo û şehîdan ev komplo vala hate derxistin. Nehiştin ev komplo bigihîje armanca xwe. Lê belê pergala komployê heta roja me ya îroyîn jî bi rengekî cuda berdewam dike. 27 sal bi ser komployê de derbas bûn û derbasî sala 28’emîn dibe. Li hemberî êrîş û komploya ku berdewam dike, têkoşîn û berxwedan jî bê eman berdewam dike û gur dibe. Her diçe mezin dibe û belavê cîhanê dibe. Bi taybetî ev demên dawî Rêber Apo bi gava xwe ya Aşitî û Civaka Demokratîk derketineke mezin kir. Wek pêngaveke dîrokî belavê cîhanê bû. Têkoşîn her ku çû bi vê pêngavê re bi hêz bû. Em di wê baweriyê de ne ku heta têkoşîna me berdewam bike, ev pêngav wê mezintir bibe û bigihîje armanca xwe. Bi vê helwestê em dikarin vala derxin. Li ser vî esasî heta azadiya Rêber Apo em ê têbikoşîn û berxwedanê mezin bikin. Em carekî din bi wesileya 15’ê Sibatê hemû şehîdên şoreşê bi bîr tînim û soza azadiya Kurdîstanê didin. Bîjî Rêber Apo, bimire komplogerî.
