Piştî panela “Rola Çapemenî û Medyayê di Pêvajoyên Aştiyê de” ku di 11’ê Cotmehê de li Amed hate lidar xistin, têkildarê encamê daxuyaniyek hate weşandin. Di daxuyaniyê de hate destnîşan kirin ku divê di pêvajoya aştiyê de çapemenî bibe dengê rastî û wijdanê.
Pêşniyarên sereke yên di daxuyaniyê de derketine pêş bi vî rengî ne:
Divê rojnamevan ji zimanê nefret û tundiyê dûr, bi zimanek aştiyane nûçeyan saz bike.
Divê çapemeniya xwecihî bêne xurtkirin û ewlekarî û azadiya rojnamevanan bên parastin.
Divê li dijî dezenformasyona li ser platformên dijîtal, pîvanên exlaqî yên hevpar bên diyar kirin.
Divê têkildarê rojnamevaniya aştîsaz perwerde bên dayîn û saziyên medya zimaneke hevpar pêş bixin.
Divê rojnamevaniya li ser esasê empatî û sererastikirina bîra kolektîf bên destekkirin.
GGC’ê, da xuyakirin ku weke însiyatîfeke sivîl ew ji destpêka pêvajoyê û vir ve hem di asta neteweyî û hem jî di asta navneteweyî xebatên xwe didomîne.
Di daxuyaniyê de her wiha ev tişt hatin gotin, “Divê em rojnamevaniyê ne li aliyek, berovajî li gel heqîqet, edalet û mirovahiyê bi cih bikin. Medyayek ku xwedî zimaneke aştiyane be, di heman demê de ew misogeriya civakî ya aştiyê ye jî. Li ser vê bingehê em bang li hemû saziyên medyayê dikin ku, bêyî ku ji nirxên exlaqî tawîzê bidin tevkariyê li aştî û lihevhatina civakî bikin.”
