Girtiyên li girtîgehên Tirkiyeyê dimînin di salvegera Komploya 9’ê Cotmehê de daxuyaniyek weşandin ku li dijî Rêber Apo ji aliyê hêzên navneteweyî ve hate kirin.
Denîz Kaya bi navê girtiyên azadiyê daxuyanî da û ragihand ku 9’ê Cotmeha 1998’an destpêka destwerdanekê bû ku di şexsê Rêber Apo de li hemberî gelê Kurd û paşeroja hemû gelên Rojhilata Navîn hate kirin.
Di destpêka daxuyaniyê de hate gotin, “Di 9’ê Cotmeha 1998’an de hêzên statukoparêz û hêzên wan ên hevkarên xwecihî li hemberî Rêber Apo komploya navneteweyî dan destpêkirin ku 27 sal di ser re derbas bûn. Bi ketina sala 28’an a komployê re di şexsê hevrêyên me Halît Oral û Aynûr Artan ku li dora Rêberê me bûn xeleka ji agir û pêşengî ji çalakgerên ‘Hûn nikarin roja me tarî bikin’ re kirin, em hemû şehîdên xwe yên şoreşê bi hurmet û minet bi bîr tînin û hemû hêzên di nava komployê de cih girtin bi nefreteke mezin şermezar dikin.
Komploya navneteweyî dema destpêkirina destwerdaneke mezin e ku di şexsê Rêber Apo de li hemberî paşeroja gelê Kurd û paşeroja gelên Rojhilata Navîn hemûyan hate kirin. Hêzên serwer ên ku beriya sed salî sînorên Rojhilata Navîn xêz kirin, piştî sed salî ji bo karibin Rojhilata Navîn careke din jinûve dîzayn bikin, êrî birin ser îdeolojî û avahiyan hemûyan ên ku dikarin ji gelan re bibin hêvî. Fikrê ‘Yekîtiya Rojhilata navîn a Demokratîk’ a Rêber Apo û têkoşîna wî ya hevpar a ji bo gelan, her wiha israra wî ya li ser sosyalîzmê kir ku bibe hedefa vê êrîşê.
Komploya 9’ê Cotmehê derbek li hemberî fikrê Rêber Apo bû ku dikare ji têkoşîna azadiyê ya gelên Rojhilata NavÎn re bibe îlham. Pêvajoya ku bi derxistina Rêber Apo ji Sûriyeyê destpê kir, bi bandor û encamên xwe hem li Tirkiyeyê hem jî li Rojhilata Navîn bûyerên girîng ên siyasî û civakî bi xwe re anî.
Hemû hêzên herêmî û navneteweyî ku di derxistina Rêber Apo ya ji Sûriyeyê de xwedî rol bûn, îro li Sûriyeyê ne. Ev kiryarên komploya navneteweyî sedema wê yekê ne ku li Rojhilata Navîn dojeha şer afirandiye.”
‘KOMPLOYA NAVNETEWEYÎ ŞEREKÎ NAVXWEYÎ JI XWE RE KIR ARMANC’
Di dewama daxuyaniyê de hate ragihandin ku komployê paşeroja hevpa a welêt ji xwe re kir armanc û hate gotin, “Hate xwestin ku gelên Kurd û Tirk li ber hev bêne rakirin û bi vî rengî şerekî navxweyî bê destpêkirin. Rêber Apo li hemberî vê yekê bi sekna xwe ya li Îmraliyê û paradîgmaya xwe ya çareseriya demokratîk ev hewldana qirêj û xetere ya komployê têk bir; nîşan da ku gelên
Tirkiyeyê bi rêya aştî, demokrasî û diyalogê dikare ji vê xefikê û rewşa nediyar rizgar bibe.”
Girtiyên azadiyê ragihandin ku di nava 27 salên derbasbûyî de li Tirkiyeyê aştiyeke civakî û çareseriya demokratîk a pirsgirêka Kurd dikarîbû bihata afirandin, lê belê ev firsend her carê bi hesabên siyasî ya biçûk hate têkbirin û bi tecrîdê bersiv ji hewldanên Rêber Apo re hate dayin.
Di daxuyaniyê de hate destnîşankirin ku şikandina tecrîda girankirî wê bibe şikandina zincîrên faşîzmê ku dor li gelên Tirkiyeyê girtine û hate gotin, “Ev yek rastiyek e: Komploya navneteweyî her tim li hemberî gelên Tirkiyeyê bû xefikek. Bi komploya navneteweyî re xwestin gelên Tirk û Kurd berdin hev, şerekî navxweyî bidin destpêkirin û mîna Iraq û Sûriyeyê bînin serê Tirkiyeyê.
DESTHILATDARIYA AKPÊ RASTIYÊ FÊHM NAKE
Bi sekna ku Rêber Apo li Îmraliyê nîşan da, armancên qirêj û xetere yên komploya navneteweyî hatin pûçkirin. Rêber Apo peyama wê yekê da ku tenê bi Komara Demokratîk gelên Tirkiyeyê dikarin ji xefika kujer a hêzên emperyalîst rizgar bibe. Lê mixabin desthilatdariya AKP’ê hîn ev rastî fêhm nekiriye, lewma di serî de Rojava ji bo Kurd bê statu bêne hiştin dest ji planên xwe bernedaye.
Eşkere ye ku sala 28’an wê bibe ew sal ku rejîmên înkar û asîmîlasyonê wê hilweşin û hêzên komploger ên navneteweyî hemû têk biçin.”
‘TÊKOŞÎNA HERÎ MAFDAR Û RAST A DÎROKÊ’
Di daxuyaniyê de hate ragihandin ku Kurd bi pêşengiya Rêber Apo 28 sal in bi dirûşma ‘Hûn nikarin roja me tarî bikin’ li dijî komploya navneteweyî li ber xwe didin, têkoşîneke azadiyê ya bênavber dimeşînin û hate gotin, “Ev têkoşîna bi armanca azadiya Kurdistanê di heman demê de xwedî armanca demokratîkkirina Tirkiye û Rojhilata Navîn e. Di heman demê de têkoşîna herî zehmet, herî bi wate, herî rast û herî mafdar a dîrokê ye.
Em careke din vê têkoşîna azadî û mirovahiyê ya 28 salan ku li ser xeta fedaî dewam dike, silav dikin, şehîdên xwe yên leheng bi hurmet bi bîr tînin. Di têkoşîna sala 28’an de ji hevrêyên xwe yên li zindanan û gelê xwe yê li ber xwe dide re serketinê dixwazin.”
