Serhat Ozturk ê ku piştî 32 salan ji Girtîgeha Girtî ya Tîpa T ya Boluyê hat berdan, gihîşt bajarê xwe yê Agiriyê. Ozturk ê ku di sala 1994’an de hat girtin, li Balafirgeha Ehmedê Xanî bi coş hat pêşwazîkirin.
Nûnerên TUHAY-DER), DEM Partî û DBP’ê û gelek kesbeşdarî merasîma pêşwazîkirinê bûn. Girseya ku li ber deriyê balafirgehê kom bû, bi kulîlk û çepikan Ozturk pêşwazî kirin û dirûşmeya “Bijî berxwedana zindanan” berz kirin.
Ozturk li ber balafirgehê axivî û bal kişand ser pêkanînên tecrîdê yên li girtîgehan û rewşa girtiyan. Ozturk diyar kir ku azadî bi vekirina deriyên Îmraliyê pêkan e û got:
“Her çiqasî em niha li derve bin jî, Rêberê Gelê Kurd Abdullah Ocalan û hevalên me hîn jî di girtîgehê de ne. Heta ku Birêz Ocalan û hemû hevalên me yên di girtîgehê de azad nebin, em nikarin xwe azad bibînin. Em bêyî azadiya wan azad nînin. Heta ku hevalên me li pişt wan çar dîwaran bin, ev azadî kêm maye.”
