Xizmên girtiyan li pêşiya Girtîgeha Girtî ya bi Ewlekariya Bilind a Hejmara 1’emîn a Dûmlû ya Erzîromê ku bi binpêkirinên mafan di rojevê de ye, daxuyanî dan. Nûnerên partiyên siyasî û rêxistinên civaka sivîl jî beşdarî daxuyaniyê bûn.
Parlementerê Partiya Wekhevî û Demokrasiyê ya Gelan (DEM Partî) yê Îdirê Yilmaz Hûn di daxuyaniyê de axivî û got ku girtîgehên Tirkiyeyê rû bi rûyê bêhiqûqiyên mezin e û wiha got: “Li vir qîrîn hene. Gelek êrîş û bêhiqûqiyên cidî ku malbat û girtiyan ji me re radigihînin hene. Em ji ber vê yekê li vir in. Girtiyan dibêjin ku ew ê wekî çareya dawî ji roja Duşemê ve dest bi greva birçîbûnê bikin.”
Hûn, diyar kir ku aktivîteyên civakî, hewadarkirin û mafên dermankirinê yên girtiyên nexweş têne astengkirin û bang li Wezareta Edaletê kir ku şandeyên serbixwe girtîgehan kontrol bikin.
Parlementerê DEM Partiyê ya Agiriyê Heval Bozdag jî destnîşan kir ku binpêkirinên mafan ên li girtîgehan bi pêvajoya aştiyê re li hev naye û bilêv kir ku divê girtiyên nexweş tavile bên berdan.
EM DIBÊJIN AŞTÎ, EW ÊŞKENCEYÊ DIKIN
Dayika girtiyekî Ummuhan Ozkan jî wiha got: “Êşkence li zarokên me dikin. Ji ber kêfa gardiyanan mafên wan nayê dayîn. Em dibêjin, em di pêvajoya aştiyê de ne, lê ew êşkence li zarokên me dikin. Em ji bo xwe tîştekî naxwazin. Em dibêjin bila aştî çêbibe.”
