Piştî şerê ku 7’ê Cotmeha 2023’yan destpê kir û zêdeyî 15 mehan dewam kir, ji bo agirbesta li Xezeyê bidome hevdîtin dewam dikin.
Muzakerevanên Hamasê ji bo agirbestê roja Şemiyê bi navbeynkarên Misirî re hatin ba hev.
Tevgera Fîlîstînî ya Yekşemê daxuyanî da û diyar kir ku divê rêz nîşanî hemû şert û mercên peymanê bê dayîn û ji bo qonaxa duyemîn divê muzakere destpê bikin.
Îsraîlê jî ragihand ku wê roja Duşemê şandeyekê bişîne Qatarê ku yek ji navbeynkaran e.
Li gorî daxuyaniya ofîsa Serokwezîrê Îsraîlê Binyamin Netanyahu, wê şandeyek “li ser vexwendina navbeynkarên girêdayî Dewletên Yekbûyî yên Emerîkayê” roja Duşemê biçe Dohayê.
Îsraîl dixwaze ku qonaxa destpêkê ya agirbestê heta nîva meha Nîsanê dewam bike. Beriya qonaxa duyemîn ji bo herêm bi temamî “ji leşkeran were xalîkirin”, daxwaz dike ku Hamas ji Xezeyê biçe û dîlgirtiyên dawî jî bên berdan.
Hamasê jî diyar kir ku ew ê li Xezeyê bimîne. Hamasê daxwaz kir ku artêşa Îsraîlê bi temamî xwe ji Xezeyê vekişîne, dorpêça li ser herêmê bi dawî bîne û ji xeynî alîkariya jinûve avakirina herêmê, li gorî encamên dawî ya lûtkeya civîna Ereb alîkariya madî dixwaze.
