Rayedaran diyar kirin ku li seranserê eyaletê 12 şewatên mezin rû dan û heta niha 80 hezar û 900 hektar qada daristanî şewitî. Hate ragihandin ku ziwatiya mezin a çar sal in dewam dike û bayê xurt dibin sedem ku şewat bi zorê bê kontrolkirin.
Li gorî çapemeniya xwecihî şewat roja Şemiyê ji Çemê Spokaneyê derbas bû û gihîşt bajêr, lewma veguhestina mirovan mecbûrî bû.
Eyaleta Washingtonê ku li peravê Pasîfîkê li ser sînorê Kanadayê ye, îsal sezoneke giran a şewatê derbas dike. Li Kanadayê meha Tîrmehê nêzî 3 milyon hektar qada daristanî şewitî.
