Li gorî agahiya Kan News’ê ku navenda wê li Îsraîlê ye, biryara piştgiriya çekan ji aliyê komîsyoneke veşartî ya girêdayî Knesseta parlamentoya Îsraîlê ve hatiye girtin. Di nava endamên komîsyonê de Serokwezîr, Wezîrê Parastinê, Serfermandar û serwîsa îstixbarata hundirîn Şın Bet cih digirin.
Netanyahu li ser medyaya dijîtal X’ê vîdeoyek parve kir û got: ‘’Girêdayî pêşniyara rayedarên ewlehiyê, me berê xwe da komên ku li Xezeyê yên li hemberî Hamasê. Li vir tişta şaş çi ye? Ev tişteke baş e.’’ Tê ragihandin ku piraniya çekên hatine şandin ji Kalaşnikofên AK-47 pêk tên.
Koma milîsan a berbehs jî hêza milîs a ji aliyê Yaser Ebu Şebab ve tê birêvebirin e û li bajarê Refah ê li başûrê Xezeyê dimîne. Ev herêm a niha di bin kontrola artêşa Îsraîlê de ye. Ev koma di bin rêveberiya Ebu Şebab de xwe weke hêza gel a girêdayî Rêveberiya Filistînê pênase dike.
Lê belê Yaser Ebi Şebab di daxuyaniya xwe roja Înê de îdîayên ku wan ji Îsraîlê piştgiriya çekan girtiye, red kirin. Şebab li ser medyaya dijîtal Facebookê peyamek weşand û got: ‘’Me çekên di destê xwe de bi saya piştevaniya gelê xwe, alikariyên herêmî û ciwanên ku neçar mane li hemberî talana alikariyan xwe biparêzin, bi dest xistine.’’ Her wiha Ebu Şebab çapemeniya Îsraîlê bi ‘’biçûkkirina îmaja hêzeke gel ya ji xwe ji êşan afirandî’’ tawanbar kir.
