Baran Eman (25) ê ku li Girtîgeha Girtî ya Bi Ewlekariya Bilind a Hejmara 1 a Amedê girtîbû, sirgûnî Girtîgeha Girtî ya Tîpa S a Çarşemê ya Samsûnê hat kirin. Malbat piştî çend rojan agahiya sirgûnkirina Eman girtin.
Malbatê bi rêya parêzerên xwe hîn bûn ku Eman sirgûnî Girtîgeha Girtî ya Tîpa S a Çarşemê ya Samsûnê hatiye kirin. Li ser vê yekê malbatê li rêveberiya girtîgehê geriya, lê rêveberiya girtîgehê bersiva ‘li girtîgehê girtiyekî bi vî rengî nîne’ da malbatê.
Duh piştî Eman bi telefonê li malbatê geriya, malbat hîn bû ku ew li Girtîgeha Girtî ya Tîpa S a Çarşemê ya Samsûnê tê ragirtin. Eman ji malbatê re ragihand ku di dema ew hatiye sirgûnkirin de, rastî muameleya xerab hatiye. Eman, diyar kiriye ku ji ber di ketina girtîgeha Tîpa S a Çarşemê ya Semsûnê de lêgerîna tazî ya li ser wî hatiye ferzkirin qebûl nekiriye, hatiye derbkirin.
