Hevdîtin 4 rojan di navbera her du welatan de dom kirin û bi nabeynkariya Tirkiyeyê li Stenbolê hatin kirin. Li gorî Wezîrê Zanistê yê Pakistanê Attaullah Tarar, “bêyî ku çareseriyekê ava bike” bi dawî bû.
Tarar diyar kir ku aliyê Efgan “timî mijarê berevajî dike, bi sûcdarî û mijûlkirinan pêvajoyê teng dike” û xemgîniya xwe anî ziman. Rêveberiya Efganistan jî heya niha ti daxuyanî nedaye.
Wezîrê Parastinê yê Pakistanê Khawaja Asîf piştî hevdîtinên bi nerênî encam bûn, daxuyanî da û ev gef xwar: “Pakistan dikare bêyî bikaranîna beşekî biçûk ê cepxaneya nukleer jî, desthilatdariya Talîbanê bi temamî tune bike û wan vegerîne şkeftên wan.”
Li aliyê Berdevkê Wezareta Karên Hundir a Efganistanê Abdul Matîn Qanî ragihandibû ku eger hevdîtin bi ser nekevin, dibe “bersiveke bi biryar weke ders bide Pakistanê”. Qanî got, “Çekên nukleer li cem me nînin, lê qasî 20 salan ne NATO, ne jî DYE’yê nekarî Efganistanê.”
