Daxuyaniya Heyva Sor a Kurdistanê ya derbarê girtina 3 karmendên tenduristiyê bi vî rengî ye:
“Sê karmendên tenduristiyê yên ji Heyva Sor a Kurd dema ku erkên xwe yên mirovî pêk dianîn û alîkariya yekem û lênêrîna bijîşkî ji sivîlên ku ji êrîşên li ser taxên Eşrefiye û Şêx Meqsûd ên Helebê bandor bûne re peyda dikirin, ji aliyê ‘Hikûmeta Demkî’ ve hatin girtin.
Weke Heyva Sor a Kurdistanê, em piştrast dikin ku tîma rêxistina alîkariya mirovî Heyva Sor a Kurd bi tenê bi karê mirovî re mijûl dibe û ji her ajandeyek siyasî yan leşkerî dûr e. Sê endamên tîmê yên hatine girtin ev in:
– Yusuf Henan Hamoko – Ajokarê Ambûlansê
– Abdul Rahman Abdo Abdo – Hemşîre
– Ramî Huseyîn El-Elî – Serokê Tîma Bijîşkî
Ev girtina karmendên alîkariya mirovî binpêkirinek eşkere ya qanûna mirovî ya navneteweyî ye, ku parastina karmendên tenduristiyê û alîkariyê di dema pevçûnan de garantî dike.
Em daxwaza serbestberdana bê şert û merc a hevkarên xwe, misogerkirina ewlehiya wan û vegera wan bo karê mirovî dikin. Em tekez dikin ku hikûmeta demkî ya Sûriyeyê dê bi tevahî berpirsiyarê her zirara ku ev karmend dikarin bibînin be.
Her wiha em bang li hemû rêxistinên navneteweyî û mirovî dikin ku bi lez mudaxile bikin da ku rêz li prensîbên xebata mirovî bê girtin û xebatkarên tenduristiyê û alîkariyê ji her xetereya hedefgirtin an girtinê werin parastin.”
