Bi mazûvaniya Şaredariya Bajarê Mezin a Amedê, Ma Musîc, Komeleya Çand Huner û Wêjeyê ya Jinan (KASED), Konservetuar a Aram Tîgran û Komeleya Çand û Hunerê ya Dîcleyê bi munasebeta 29’emîn salvegera mirina hunermenda Kurd Eyşe Şanê bernameya bibîranînê li dar xistin. Di çarçoveya bernameyê de lîstikvan Berfîn Zenderlîoglu lîstika “Ez Eyşe Şan” jiyana Eyşe Şan, li eywana çandê ya şaredariyê lîst. Bernameya ku li Hêwana Çandê ya Alî Emîrî hat li darxistin tevî Hevşaredara Bajarê Mezin Serra Bucak, endamên meclisa şaredariyên navend û navçeyan, lîstikvanên Koma Hinek Henek, Komeleya Hiqûqnasên Ji Bo Azadiyê (OHD), Komeleya Lêkolînên Çand û Ziman a Mezopotamyayê (MED-DER), malbata Eyşe Şan û gelek nûnerên saziyên sivaka sivîl tev li bîranînê bûn. Herwiha dîwarên hêwanê bi wêneyên Eyşe Şan, bi qurnefîl û bi findan hati xemilandin.
Hevşaredara Bajarê Mezin Serra Bucak di bîranîna hunermend Eyşe Şan de axivî got: “Taybetmendiya îro gelek e û girîng e. Ev eywan bi tayînkirina qeyiman hatibû tarûmarkirin. Lê hê jî em hewl didin ku kiryaren qeyiman paqij bikin. Lê me avakirina vê eywanê bi dawî kir û îro jî bû nisîbê lîstika bîranîna Eyşe Şan. Dîsa em wê bi hezkirin û rêzdarî bi bîr tînin”
Lîstikvan Berfîn Zenderlîoglû ya ku lîstîka jiyana Eyşe Şan lîst got: “Ji ber vê lîstikê ez gelek spasiyên xwe ji Zeynebê re dişînim. Ez îro jî bi lîstika Eyşe Şan gelek kêfxweş im. Eyşe Şan ji bo min gelek bi qîmet e. Divê em xwedî li hunermendên xwe derkevin.”
Piştî bername bi dawî bû, hat gotin ku dê sibê jî bernameya bîranînê bê lidarxistin û wê biçin ser gora Eyşe Şan û piştre jî dê êvarê bi konserekî bi dawî bikin.
