Artêşa Îsraîlê, ragihand ku şeva borî li herêma Beyt Cin a li başûrê Sûriyeyê endamên tevgera Hemasê girtine û veguhastine Îsraîlê.
Berdevkê artêşa Îsraîlê derbarê mijarê de ev agahî li ser hesabê xwe yê X’ê parve kir: “Şervanên Tugeya El Îskenderonî şeva borî li herêma Beyt Cin a başûrê Sûriyeyê operasyonek ji bo girtina terorîstên Hemasê lidar xist.”
Artêşa Îsraîlê, îdia kir ku kesên hatine girtin, plana êrîşên li ser sivîl û leşkerên Îsraîlê yên li Sûriyeyê dikir.
Hate diyarkirin ku girtiyên Hemasê veguhastine Îsraîlê da ku ji aliyê Yekîneya 504’an ve werin lêpirsînkirin. Her wiha hate destnîşankirin ku leşkerên Îsraîlê teqemenî di operasyonê de desteser kirine.
SOHR’ê, îro ragihandinbû ku hêzên Îsraîlê li bajarokê Beyn Cin ê li rojavayê Şamê operasyoneke serdegirtinê pêk anî û diyar kir ku hemwelatiyekî Sûriyeyî hat kuştin û hin kesên din hatin girtin.
