Li siyasetmedar Gonca Yangoz, di serdema ku Hevseroka Stenbolê ya DEM Partiyê bû de ji ber axaftineke wê ya 19’ê Tîrmeha 2024’an cezayê hepsê hatiye birin. Sedema cezadayînê weke ‘’biçûkkirina dewletê ya bi awayekî eşkere’’ û ‘’dijwarbûna qestê û giraniya talûkeyê’’ hate nîşandan.
Di Tîrmeha 2024’an de di operasyonên li ser Şaredariya Colemêrgê de û piştî ku Hevşaredar Mehmet Sadik Aktaş ji erka xwe hate dûrxistin û li şûna wî qeyûm hate tayînkirin, DEM Partiyê li dijî desteserkirina şaredariyan li Qada Şîşhaneyê çalakiya nobedê da destpêkirin û Hevseroka Stenbolê ya DEM Partiyê ya wê demê û endama Partiya Meclîsê ya DEM Partiyê Gonca Yangoz ji ber axaftinên xwe yên di wê çalakiyê de ceza lê hatiye birîn.
‘JI BER BILÊVKIRINA NAVÊ KURDISTANÊ CEZA LÊ HATIYE BIRÎN’
Dadgehê, di biryara xwe de ceza di çarçoveya azadiya derbirînê de nedît û îdîa kir ku sucê ‘’biçûkkirina dewletê ya bi awayekî eşkere’’ hatiye kirin.
Parêzer Ferdî Yamar diyar kir dibe ku biryar li hemberî azadiya derbirînê û siyasetkirina siyasetmedarekê ya bi awayekî azad bibe astengî û ev yek anîn ziman: ‘’Biryara dadgehê dikare li hemberî azadiya derbirînê û siyasetkirina siyasetmedarekê ya bi awayekî azad bibe astengî. Di nava daxuyaniyên hatine dayîn û axaftinên hatine kirin de tu sûc tune ne. Nabe ku bilêvkirina gotina ‘Kurdistanê’ weke sûc were qebûlkirin.’’
