Lêpirsîna têkildarî mirina bi guman a xwendekara Zanîngeha Yuzuncu Yil a Wanê Rojîn Kabaîş 19 meh li pey xwe hişt, lê belê hîn jî gaveke şênber nehatiye avêtin.
Malbat, parêzer û rêxistinên jinan ji bo ronîkirina dosyayê têkoşîna xwe dewam dikin. Komîsyonên Edalet ji bo Rojîn Kabaîş jî gaveke nû avêt. Komîsyonê bi sernavê “Di dosya Rojîn Kabaîş de: delîlan tarî neke! Telefonê veke, DNA’yê eşkere bike” kampanya îmzeyan da destpêkirin.
Di kampanyayê de eşkerekirina delîlan û meşandina pêvajoyê ya bi şênberî tê xwestin. Her kes bi rengekî online dikare tevlî kampanyayê bibin. Komîsyon wê di rojên pêş de li 56 bajaran standan dîne û îmzeyan kom bike.
