Derbarê Nûçegihanê DW Tirkî yê Enqereyê yê girtî Alican Uludag de, bi sûcdariyên “Bi eşkereyî heqaret li Serokkomar kiriye”, “Agahiyên xapînok bi alenî belav kiriye” û “Hikûmeta Komara Tirkiyeyê û organên darazê yên dewletê bi vekirî biçûk xistiye” angaştname hate amadekirin.
Cezayên ku di qanûnê de ji bo van sûcdariyan hatine diyarkirin; ji bo “bi eşkereyî heqareta li serokkomar” ji salekê heta 4 salan, ji bo “bi eşkereyî belavkirina agahiyên xapînok” ji salekê heta 3 salan û ji bo sûcê “bi eşkereyî biçûkxistina hikûmeta Komara Tirkiyeyê û organên darazê yên dewletê” ji 6 mehan heta 2 salan hefs e. Tê hesabkirin ku di çarçoveya TCK 43’an de heke hikumên sûcê zincîrî werin sepandin, ev ceza dikarin werin zêdekirin û bi giştî bigihêjin nêzî 19 sal û 6 mehî.
