Ji bo rojnamevan Azîz Koyluoglû ku li navçeya Ranya ya Silemaniyeyê di êrîşa SÎHA ya dewleta Tirk de hate qetilkirin, malbata wî û xebatkarên Çapemeniya Azad li Amedê şîn danîn.
Şîn li Mala Şînê ya Pasûriyan a li navçeya Rezanê hate danîn. Li gel endamên rêxistinên bajar û navçeyên Amedê yên Partiya Demokrasî û Wekheviyê ya Gelan (DEM Partî), Partiya Herêman a Demokratîk, parlamenterên DEM Partiyê, aktîvîstên Tevgera Jinên Azad, endamên Komeleya Çand, Yekîtî, Piştevanî ya bi Malbatên Xizmên xwe Winda kirine ya li Dergûşa Şaristaniyan gelek kesan serdana şînê kirin.
