Şehîd Cîlan Berces 3’yê Tebaxa 2014’dan di dema fermana 74’an de, ji aliyê çeteyên DAÎŞ’ê ve dîl hatibû girtin. Di 20’ê Tebaxa 2014’an dema esîrtiyê de, li bajarokê Tilizêr destê xwe dibire û şehîd dikeve. Xelkê Êzîdî wê weke jina sembola berxwedanê pênase dikin. Li navenda bajarokê Tilizêr peykerê wê hatiye danîn û hersal di salvegera şahadeta wê de merasîma bîranînê çêdikin.
Şehîd Cîlan Berces di salvegera 12’emîn a şahadeta xwe de li ber peykerê navenda bajarokê Tilizêr ku ji bo bîrdariya wê hatiye çêkirin bi tevlîbûna malbat, gelek sazî û kesayetên Şengalê bi merasîmekê hate bîranîn. Merasîma bîranînê bi deqeyek rêzgirtinê destpê kir.
Di merasîmê da dayika şehîd Cîlan Berces, Şemê axivî û diyar kir ku hestiyên keça wê ya ku beriya 12 salan şehîd bûye, hîna nehatine radestkirin.
Hevserokê Meclîsa Gel a Şengalê Azad Hisên jî di merasîma bîranînê de axivî û got, “Şehîd Cîlan pêşenga jinên Êzidî ye. Em ê weke civaka Êzîdî, li çand û baweriya xwe xwedî derkevin, bedelê wê çi bibe bila bibe, wê ev ol bê parastin.’’
Di merasîmê de çalakvan û siyasetmedara Êzidî Samiya Şengalî û destnîşan kir ku û got: “Di dema fermanê da gelek jinên Êzidî li ber xwe dan û yên hatin dîlgirtin ji îro bûne dengê civaka xwe. Em bi jinên Êzîdî serbilind in û em ê bibin şopdarên riya wan.”
Di merasîmê de helbestvan Xwedêda Kûrto helbesta ‘Tu ji peykera mezîntirî’ xwend û merasîm bi pêxistina mûman bi dawî bû.
