Bahçelî îdîa kir ku biryara agirbestê ya PKK’ê ‘rast, hevseng û di cih de nîne’ û got, “Divê bê şer dest ji çekan bê berdan.” Bahçelî îdîa kir ku divê banga Rêber Apo ji bo YPG’ê jî derbas bibe.
Di daxuyaniya Bahçelî de hilweşîna giran û şerê ku dewlet nîv sed sal e dike bi gotina ‘Enqazê cihêkariyê û terora 41 salî’ pênase kir û got, “Bi hevkariyê, bi derfetên aqlê hevpar, bêguman ji dil, bi rasteqînî û pêngavên cihê baweriyê wê ji holê bê rakirin.”
Di daxuyaniya Bahçelî de ev hişyarî jî hatin dayin: “Ji bo li qezayekê neqewime, ji bo wateyên şaş neyên fêhmkirin, ji bo ev pêşketinên xweşbîn ên hesas neyê astengkirin, pêwîstî bi nêzîkatiyeke berpirsyarane, hesas û hişyarbûyînê heye.”
Bahçelî got, “Li pêşiya me firsendeke zêrîn heye ku îxmal û binpêkirina wê nabe ku bê kirin.”
Bahçelî têkildarî DEM Partiyê jî peyam da û got, “DEM Partî eger li gel peyamên xwe bi xwînsarî, berpirsyarane û germ gavên xwe yên hevgirtî û aramî dewam bike, wê pêşî lê vebe ku bibe partiya Tirkiyeyê.”
Li gorî îdîaya Bahçelî banga Rêber Apo ya 27’ê Sibatê li gel PKK’ê her wiha ‘Ji bo hemû dewamî û komên din jî derbasdar e’.
Bahçelî îdîa kir ku YPG jî di vê çarçoveyê de ye û got, “Giranîdayina li ser daxwazên siyasî û zemîna hiqûqî ‘xefletî’ ye.”
Bahçelî îdîa kir ku PKK û komên ‘ser bi wê ve’ divê ‘tavilê û bê şert dest ji çekan berdin’, her wiha çekên xwe jî ‘radestî Komara Tirkiyeyê bikin’ û îdîa kir ku daxuyaniya agirbestê ya PKK’ê rast, hevseng û di cih de nîne’.
Bahçelî bang li PKK’ê kir ku ‘bêyî şert û mercekî bide pêş dest ji çekan berde, dawî li hebûna xwe ya rêxistinî bîne’ û işare bi tirsên dewleta Tirk kir: “Dînamîkên kaosê yên herêmî gelekî çalak in. Sîstema navneteweyî ya ku piştî Şerê Cîhanê yê Duyemîn ava bû, bi darbeyên kujer li ber tasfiyeyê ye.”
Bahçelî li hemberî gefên herêmî û navneteweyî bal kişand ser pêwîstiya bi ‘atmosfera aştî û aramiya navxweyî’ sedsaleke ‘Tirk û Tirkiyeyê’ destnîşan kir.
