Waliyê Mississippi Tate Reeves diyar kir ku wê nêzî 200 leşkerên Muxafizên Neteweyî bişînin paytextê. Reeves got, “Ji bo piştgiriyê bide hewldanên Serok Trump ên ji bo jinûve misogerkirina qanûn û pergalê li paytextê, min ev biryar erê kir.”
Waliyên Ohio, Virginia ya Rojava û Carolina ya Başûr jî daxuyaniyên bi heman rengî dabûn. Hate ragihandin ku ji Ohio 150, ji Carolina Başûr 200, li Virginia Rojava jî 350 leşker wê bêne şandin. Beşek ji van yekîneyan ji niha ve gihîştin Washingtonê. Di halê hazir de 800 Muxafizên Neteweyî li Washingtonê wezîfeyê dikin.
Serokê Dewletên Yekbûyî yên Emerîkayê (DYE) Donald Trump hefteya derbasbûyî bi daxuyaniyekê diyar kiribû ku wê kontrola ewlekariyê ya li paytextê rêveberî bi xwe bike û yekîneyên Muxafizên Neteweyî bixe dewrê.
Lê belê Şaredara Washingtonê ya ji Partiya Demokrat Muriel Bowser îdîayên zêdebûna bûyerên tundiyê red kir û got, “Asta tundiyê ya li bajêr di asta herî nizm a 30 salên dawî de ye.”
