Meclisa Jinan a Nûda û Frauenkollektive di çarçoveya çalakiyên 25’ê Mijdarê Roja Têkoşîna li Dijî Tundiya li Ser Jinê ya Navneteweyî de li bajarê Freiburg ê Elmanyayê şahiya hevpar a ewil li dar xistin. Şahiya kolanê ya ku di 7’ê Mijdarê de li Augustinerplatzê hat lidarxistin de saet 11.00’an heta 17.00’an berdewam kir.
Li qada şahiyê stand hatin vedan û bal kişandin ser tundiya serdestiya mêr, zextên zayendî û êrîşên ku têkoşîna azadiya jinê dikin hedef.
Di şahiyê de berxwedana jinên Kurdistanê hat rojevê û hat destnîşankirin ku azadiya jinê ji azadiya civakî cuda nayê nirxandin. Li standa agahdarkirinê ya Meclisa Jinan a Nûda li gorî perspektîfa azadiyê ya tevgera jinên Kurd bal kişandin ser girîngiya mezinkirina hêza rêxistinkirî û têkoşîna hevpar a jinan.
