Li Wargeha Penaberan a Mexmûrê Şehîd Rustem Cûdî (Mexmûr) Şehîdê Ked û Demokrasiyê Evdirehman Yilmaz yê ku wek Hevberdevkê Komîngeha Semta Şehîd Robar xebat dimeşand, îro serê sibê ji ber krîza dil jiyan xwe ji dest da, bi merasîmekê hat veşartin.
Cenazeyê Şehîd Evdirehman Yilmaz piştî wezifeyên olî, li Saziya Malbetên Şehîdan a Mexmûrê bi beşdarbûna gel, bi deyeyek rêzgirtin ji bo tevahî Şehîdên Azadiya Kurdistanê merasîmek hate lidarxistin. Piştî rêzgirtinê Hevserokê Meclîsa Gel a Mexmûrê Bedran Pîranî axivî.
Bedran Pîranî di kesayeta Şehîd Evdirehman Yilmaz de hemû şehîdên doza azadiya Kurdistanê bibîranî û wiha got: “Serê Rêbertî, şehîd û tevahî gelê welatparêz saxbe. Heval Evdirehman ev 32 salin di wargehê de bi gelek zorî û zehmetiyan re derbaz bû. Di hemû pirgirêkên wargehê de alîkariya xwe pêşkêş kir. Tişta ji destê wî hatî ji bo rêxistinkirina vî gelê kir. Kesayetek berçav, diyar û dilnizim bû. Kesayetek nimûne bû. Em niha li vir çi bibêjin jî wê kêm bimîne. Kesayetên wisa winda kirin ji bo wargehê êşek girane.”
Hevalê Şehîd Evdirehman ê xebatê Ehmed Şehbaz jî diyar kir ku wê heta dawî şopdarê rêya şehîdên xwe bin û wiha got: “Gelê wargehê yê welatparêz di oxira vê têkoşînê de gelek berdêlênn giranbiha dane. Wê ji niha û şûnde jî bidin. Me demek dirêj bi hev re xebat da meşandin. Kesayetek dihat heskirin. Gelê wargehê ji sibê ve li ser lingan êşa me û malbatê parve kirin. Em sipasiya gelê xwe dikin. Em heta dawî şopdarê rêhevalên xwe bin.”
Her wiha Biraziyê Şehîd Evdirehman Yilmaz, Edban Yilmaz jî destnîşan kir ku wê heta dawî şopdarê rêya mamê xwe bin û wiha pêde çû: “Em wek malbat wî çawa ku ew li peya şopa xwişk û birayê xwe bû, em jî soz didin heta dawiyê bi nirxên rêxistina xwe ve û gelê xwe yê berxwedê re têkoşîna xwe berdwam bikîn. Êşa me giran û bi jane, lê gelê me êşa ji me re nehêla; êşa me parve kirin. Em bi vê yekê serbilindin.”
Her dawî cenazeyê Şehîd Evdirehman Yilmaz bi dirûşmeya ‘Şehîd Namirin’ ber bi goristanê ve hat oxirkirin û li veşartin.”
