Nûnerên saziyên Rêveberiya Xweser û gelek parêzer tevlî daxuyaniyê bûn. Daxuyanî bi Kurdî û Erebî hate dayin.
Daxuyanî wiha ye:
“Dewleta Tirk di doza Rêberê neteweyî Abdullah Ocalan de, hemû qanûnên navneteweyî û mirovî binpê dike û rêbazeke nemirovane dişopîne. Tevî ku Tirkiye endam û îmzekara Dadgeha Mafên Mirovan a Ewropayê (DMME) ye jî, ew mafê hêviyê ji wan re înkar dike.
Dibe ku Rêber Abdullah Ocalan ji mafê hêviyê sûdê werbigirin, ji ber ku ev maf mafê her girtiyekî ye ku piştî 25 salan cezayê girtîgehê bi cezayê muebbetê hatiye cezakirin. Ji ber ku Rêber Apo ji 26 salan zêdetir girtî ye.
Ji ber ku ji nepejirandina qanûnên vê dadgehê ji aliyê dewleta Tirk ve û bicihkirina mafê hêviyê di qanûnên xwe de aşkera ye, girtina Rêber Abdullah Ocalan bi tevahî siyasî ye û tu bingeheke qanûnî tune ye. Doza Rêber Apo êdî ne tenê ya gelê Kurd e, lê ya hemû gelên ku li vê erdnîgariyê dijîn eleqedar dike. Felsefeya wî ya neteweya demokratîk û banga wî ya dawîn ji bo Aştî û Civaka Demokratîk delîlên zelal ên vê yekê ne.
Dema ku em vê daxuyaniyê dixwînin, Komîteya Wezîran a Konseya Ewropayê civîna xwe li ser doza Rêber Abdullah Ocalan li dar dixe. Em wekî Yekitiya Parêzeran a Kantona Firatê û Însiyatîfa Sûriyeyê ji bo Azadiya Rêber Abdullah Ocalan, bang li vê civînê û her wiha hemû rêxistinên Neteweyên Yekbûyî û Konseya Mafên Mirovan dikin ku Tirkiyeyê neçar bikin ku mafê hêviyê di qanûnên xwe de, li gorî qanûnên Ewropayê bi cih bike û Rêber Abdullah Ocalan serbest berde.”
