Li gorî daxuyaniya Hêzên Hewayî yên Fînlandiyayê, balafirên şer ên Swêd û Fînlandiyayê roja Pêncşemê ji bo tespîtkirina balafirên leşkerî yên Rûsyayê yên li ser Kendava Fînlandiyayê hatin rakirin.
Di dema operasyonê de komeke balafirên aîdî Rûsyayê li qada hewayî ya navneteweyî hatin tespîtkirin.
Artêşa Fînlandiyayê, diyar kir ku dewriyeya berbehs yekem erkê naskirina hewayî ya operasyonel a hevpar a her du welatan e.
PIŞTÎ ENDAMTIYA NATOYÊ HEVKARÎ ZÊDE BÛYE
Di salên dawîn de rageşiya ewlehiyê ya li derdora Deryaya Baltikê zêde bûye û bi armanca tespîtkirina balafirên Rûsayê balafirên welatên Îskandînavê bi awayekî rêkûpêk tên rakirin.
Piştî ku Rûsyayê di sala 2022’yan de Ûkrayna dagir kir hem Swêd hem jî Fînlandiya beşdarî NATO’yê bûn. Her wiha Fînlandiyayê roja Çarşemê li New Yorkê li gel Ûkraynayê lihevkirina têkildarî pêşxistina balafir û kapasîteya parastinê îmze kir.
