Tevgera Jinên Azad (TJA) ji bo azadiya fîzîkî ya Rêber Apo bi dirûşma “Dema jinê, dema hevdîtina bi azadiyê û bi Rêbertiya azad re” ji bo ber bi Gemlîkê ve bi rê bikevin li ber avahiya navçeya Rezan a Partiya Wekhevî û Demokrasiyê ya Gelan (DEM Partî) hatin ba hev. Jinan li vir bi çepik, tilîlî û berzkirina dirûşmên “Jin jiyan azadî”, “Bijî Serok Apo” û “Bê Serok jiyan nabe” govend gerandin.
Jinan posterê Rêber Apo vekirin û sirûda “Berxwedan xweş doz e” xwendin.
Ji Hevserokatiya Şaxa Amedê ya Komeleya Alîkarî û Piştevaniya bi Malbatên Girtiyan re (TUAY-DER) Yeter Erel Tuma got, “Di serî de azadiya fîzîkî ya Birêz Ocalan, em ê ji bo azadiya fîzîkî ya hemû girtiyan têbikoşin.”
Parlamentera Şirnexê ya DEM Partiyê Newroz Uysal jî diyar kir ku 27 sal in ji bo azadiya fîzîkî ya Rêber Apo têkoşîn tê meşandin û ev tişt got, “Gulistan Doku bi polîtîkayên şerê taybet hate qetilkirin. Rojîn Kabaîş û Narîn Guran jî wisa. Şerê taybet xwezaya me jî qetil dike. Bêyî azadiya fîzîkî ya Birêz Ocalan hêvî jî nabe. Aştîxwaz divê azadiya fîzîkî ya Birêz Ocalan demildest pêk bînin.”
Piştî axaftinan jin bi dirûşmên “Jin jiyan azadî” û “Bijî Serok Apo” bi wesayîtan ber bi Gemlîkê ve bi rê ketin.
