Yekîtiya Jinên Kurd a li Swîsreyê (YJK-S) û Tevgera Jinên Kurd a li Ewropayê (TJK-E) wê di 4’ê Nîsanê de li bajarê Zurich ê Swîsreyê bi dirûşma “Aştî bêyî me nabe” Konferanseke Aştiyê ya Jinan a Navneteweyî lidar bixin.
Di konferansê de wê rola jinan a di pêvajoyên aştiyê de, tecrûbeyên danûstandinan, temsîliyeta wekhev, azadiya rêxistinbûn û zemîna civakîbûna aştiyê bêne nîqaşkirin. Komîteya amadekar ragihand ku ji çar parçeyên Kurdistanê û gelek welatan wê nêzî 140 delege beşdarî konferansê bibin.
Endama Heyeta Îmraliyê ya DEM Partiyê û Serokwekîla Meclîsa Tirkiyeyê Pervîn Bûldan, senatora berê û muzakerevana aştiyê ya Kolombiyayî Victoria Sandino û ji welatê Baskê girtiya siyasî ya berê Kizkitza Gil de San Vincente ji beşdaran e.
Endama komîteya amadekar a konferansê û siyasetmedara Kurd Dîlan Dîrayet Taşdemîr anî ziman ku jin ne tenê ew beşa civakê ye ku li encamên herî giran ên şer rast tên, di heman demê de hêmana herî xurt a civakî ya têkoşîna aştiyê ne.
Dîlan Dîrayet Taşdemîr ji rojnameya Yenî Ozgur Polîtîkayê re axivî û diyar kir ku konferans wê ne tenê bibe qada parvekirina tecrûbeyan, her wiha dixwaze parastina aştiyê jî civakî bike. Taşdemîr anî ziman ku jin di pêvajoyên aştiyê de gelek caran ji nedîtî ve tên û got, “Bêyî jinan aştiyeke rasteqîn û mayinde pêk nayê.”
Hate ragihandin ku konferans bi zanebûn di 4’ê Nîsanê yanî di rojbûna Rêber Apo de wê bê lidarxistin.
Amadekaran destnîşankirin ku ev dem ji bo jinên Kurd ne tenê sembolîk e, her wiha pêwendiya xwe yekser bi têkoşîna azadiya jinê, civaka demokratîk û aştiyê heye. Li gel tevlîbûna fîzîkî her wiha bi online jî wê beşdarî li konferansê bê kirin.
Agahiyên li ser konferasnê
Dem: 4’ê Nîsana 2026 roja Şemiyê
Saet: 10:00
Cih: Rote Fabrik, Zürich
Malpera înternetê: https://kurdischefrauenunion.ch/index.html
***
Bernameya konferansê
“Frieden? Nicht ohne uns!” / “Aştî? Bêyî me nabe!”
10:00 – 10:10
Destpêk
Pêşwazîkirin û destpêkirina konferansê
10:10 – 11:30
Panel I: Di pêvajoyên aştiyê de tecrûbeyên navneteweyî yên jinan
Jinên ji herêmên cuda wê tecrûbeyên xwe yên têkildarî rola di pêvajoyên şer û aştiyê de parve bikin
Axaftvan:
Pervîn Bûldan – Endama Delegasyona Îmraliyê, Serokwekîla Meclîsa Tirkiyeyê (Tirkiye / Bakur)
Victoria Sandino – Muzakerevana aştiyê, senatora berê, aktîvîsta femînîst (Kolombiya)
Kizkitza Gil de San Vicente – Girtiya siyasî ay berê (Welatê Baskê)
11:30 – 12:30
Navber
12:30 – 13:15
Nîqaşa giştî: Pirs û fikrê hevpar
Nîqaşa vekirî bi axaftvanan re, perspektîf û pirsên temaşevanan
13:15 – 14:00
Navbera nîvro
14:00 – 16:00
Atolyeyên paralel
Atolye 1: Piştî pêvajoyên aştiyê tevgerên jinan – perspektîf û stratejî
Atolye 2: Ji pêvajoyên atşiyê ber bi civaka demokratîk ve – rola damezrîner a jinan
Atolye 3: Piştevaniya jinê ya navneteweyî û zemînên çalakiya hevpar
16:00 – 17:00
Pêşkêşkirina encamên atolyeyan
Parevekirina encamên bingehîn ên atolyeyan û nirxandina giştî
17:00 – 18:00
Forûma dawî
Kurteberiya daneyên bingehîn ên konferansê, peyamên hevpar û perspektîfa hevkariya paşerojê
18:00 – Bidawîbûna konferansê
