Koordînasyona KJK’ê bi wesîleya pîrozbahiyên Newrozê peyamek weşand.
Peyama KJK’ê bi vî rengî ye:
“Gelê me yê hêja û civaka demokratîk, em Newrozê ku sembola xwişk û biratiya gelên Rojhilata Navîn, aştî, azadiyê ye, bi kelecana ji qadên Newrozê wergirtî li jinan, gelan û gelên Rojhilata Navîn pîroz dikin.
Gelê Kurd û dostên gelê Kurd Newroza sala 2025’an li gorî şayanê wateya agirê Newrozê yê ku ji Kawayê Hesinkar heta Kawayê hemdem Mazlûm Dogan, Rehşan Ronahî û Berîvanan bi rengê biharê, bi cil û bergên xwe yên Kurdistanî pêşwazî kir.
NEWROZA 2025’AN BÛ SILAVDAYINA LI BANGA SERDEMÊ YA RÊBER APO
Newroza sala 2025’an a bi dirûşma “Civaka Demokratîk û Rêbertiya Azad’, bi pêşengiya jin û ciwanan li her qadên Newrozê bû silavdayina banga serdemê ya Rêber APO.
Bi silavên Rêber APO me dest bi sala 2025’an kir. Bi bêhna nêrgizên ji bo me jinan diyarî hatî 8’ê Adarê bi ruhê ‘Jin Jiyan Azadî’ me hemû qad vegerandin qadên silavdayina Rêber APO û xwe bi xemla biharê xemilan. Bi milyonan gelê me ruxmê hemû astengî û rêgirtinan berê xwe dan qadên Newrozê. Ev hêza gel a ku bi astengiyan nayên astengkirin da nîşandan ku gelê me çiqas dilxwazê avakirina civakek demokratik û aştîxwaz e. Ev hêz û baweriya gelê me, hêz û baweriya ji têkoşîn û berxwedana Rêber APO ya ji bo avakirina civakek demokratîk û azadîxwaz e. Ji qadên Newrozê carekdin gelê Kurd dilsozî û baweriya xwe ya bi Rêber APO dubare kir, gelê me bi dirûşm û coşa xwe ya li qadan diyar kir ku yekane hêza çareseriyê Rêber APO ye.
Hêz û coşa ku me ji qadên 8’ê Adarê girtî em ber bi Cejna azadiye Newrozê ve hatin. Li hemû qadên pîrozbahiyên Newrozê gelê Kurd û Civaka azadîxwaz banga misogerkirina azadiya fîzîkî ya Rêber APO qîriya, bersiva herî xurt û bi îrade ya pêvajoyê ji qadên Newrozê derket. Xwedîderketina gel li tekoşîna azadiyê û banga Rêber APO ya civaka demokratîk û azadîxwaz helwesta herî girîng û xurt bû li hember dagirkerî û polîtikayên qirêj ên hêzên desthilatdar.
HATE NÎŞANDAN KU AZADIYA GELÊ KURD Û MIROVAHIYÊ WÊ BI RUHÊ NEWROZÊ MISOGER BIBE
Girêdanbuyîn û pêkanîna paradîgmaya neteweya demokratîk a Rêber APO careke din da diyarkirin ku gelê Kurd xwediyê hêza têkoşîn û berxwedanek bêhempa ye. Herîkina bi coş a gel ji bo qadên Newroze da diyarkirin ku gelê Kurd wê bi ruhê Newroza azadiyê, Newroza berxwedanê, Newroza serhildanê, azadiya gelê Kurd û mirovahiyê misoger bike.
Dirûşmên ‘Bijî Serok APO’, ‘Newroza Rêber APO pîroz be’, ‘Jin Jiyan Azadî’ yên ji qadên Newrozê yên ji Bakur, Başur, Rojhelat, Rojava, Ewropa û çar aliyên cîhanê bilind bûn dan diyarkirin ku yekane hêza çareseriyê xeta Rêber APO ya neteweya demokratîk e.
QADÊN NEWROZÊ RAXISTIN PÊŞ ÇAVAN KU YEKANE RÊYA ÇARESERIYÊ AZADIYA FÎZÎKÎ YA RÊBER APO YE
Ji hemû qadên Newrozê bi awayekî eşkere û diyar derket holê ku heya azadiya fîzîkî ya Rêber Apo misoger nebe wê gelê Kurd ji ti pêngavan bawer neke, yekane rêya çareseriyê hilweşandina pergala Îmralî û pêkanîna azadiya fîzîkî ya Rêber Apo ye. Yê hêza tekoşînê da ye me Rêber Apo ye, yê wateya azadiyê li Newrozê bar kiriye xeta têkoşer û berxwedêr a Rêber Apo ye.
JIN WÊ BI PÊŞENGIYA XWE DÎWARÊN ÎMRALIYÊ HILWEŞÎNIN
Wek jin me bi hevaltiya rast a Rêber Apo dîwarên koletiyê hilweşandin, wek jin em ê bi pêşengtiya xwe ya pêvajoyê û avakirina civaka demokratîk dîwarên Îmraliyê hilweşînin û azadiya fîzîkî ya Rêber Apo misoger bikin.
Wek KJK’ê em careke din cejna Newrozê li hemû jinan, hemû gelê Kurd û gelên azadîxwaz ji dil û can pîroz dikin. Banga bi ruhê beşdarbûna ji 8’ê Adarê û Newrozê ji bo 4’ê Nîsanê dikin.
ROJBÛNA RÊBER APO HATE PÎROZKIRIN
4’ê Nîsanê ji bo me zayinek nû ye, tenê ne Rojbûna Rêber Apo rojbûna gelê Kurd, rojbûna gelên bindest û bi taybet rojbûna me jinan e. Wek jin pêwîste em hemû qadan veguherînin qadên têkoşîn û berxwedana li hember zayendperestî, kolêtî û dagirkeriyê.
Rêber Apo bi hevaltiya xwe ya rast a bi jinê re dîwarên koletiyê yên li derdora jinê hatin pêçand hilweşand, wek jin jî em ê bi hevaltiya xwe ya tam a bi Rêber Apo re diwarên pergala Îmraliyê hilweşînin serbilindiya serketinê bi Rêber APO re jiyan bikin.
Li ser vî bingehî em ji niha ve 4’ ê Nîsanê rojbûna Rêber Apo, rojbûna gelê Kurd, rojbûna jinan li hemû jinan û gelê xwe pîroz dikin.”
