Komeleya Malbatên Şehîdan (KOMAW) têkildarî meş û mîtînga mezin a ku bi wesîleya şermezarkirina salvegera Komploya Navneteweyî û ji bo azadiya fîzîkî ya Rêber Apo wê li Strasbourgê bê lidarxistin daxuyaniyek nivîskî da.
Di daxuyaniyê de wiha hat gotin: “Rêber Apo 15’ê Sibata 1999’an bi komploya navneteweyî radestî dewleta Tirk hat kirin. Ev dîrok ji bo gelê Kurd bû sembola neheqiya mezin û bêhiqûqiyê. Ji wê rojê ve Rêber Apo di bin şert û mercên tecrîda giran de girtî ye û mafên wî yên bingehîn ên mirovî tê binpêkirin.
Ji bo em dengê xwe li hemberî vê bêhiqûqiyê û komployê bilind bikin wê di 15’ê Sibatê de li Strasbourgê mîtîng bê lidarxistin. Em bang li gelê Kurd, malbatên şehîdan û her kesî dikin ku ji bo azadiya fîzîkî ya Rêber Apo û peyamek xurt bidin bi ruhê berxwedanê û têkoşînê beşdarî mîtîngê bibin û têkoşînê mezin bikin.”
