Di wêneyên li ser medyaya dewletê hatine weşandin de tê dîtin ku serokê welêt Kim Jonh Un seredane cihê ku keştî lê tên çêkirin, dike û çavdêriya înşaeta çêkirina keştiya binê avê ya nukleer kiriye.
Li gorî Ajansa Nûçeyan a Navenda Koreyê ya Fermî (KCNA), Kim Jonh Un pêvajoya çêkirina keştiya binê avê ya nukleer a 8 hezar û 700 ton li cihê wê kontrol kiriye. Keştiya binê avê ya berbehs ji aliyê rêveberiya Pyongyangê ve ji bi xurtkirina modernîzasyona komkeştiyan û kapasîteya nukleerî weke ‘’pêngaveke gelekî girîng’’ tê pênasekirin.
Li gorî pisporan wêneyên hatine weşandin, nîşan didin ku beşeke mezin a keştiya binê avê hatiye çêkirin. Pisporê keştiyên binê avê yê ji Zanîngeha Hanyang a Koreya Başûr Moon Keun-sik diyar kir ku li gorî wêneyên hatine weşandin beşeke mezin a perçeyên sereke yên keştiya binê avê hatine bicihkirin.
Tê zanîn ku hejmara welatên xwedî keştiyên binê avê yên nukleer kêm e û ev teknolojî bi taybetî jî ji aliyê DYE’yê ve yek ji qada herî veşartî a leşkerî ye ku tê parastin. Pêngavên Pyonghangê yên bi vî rengî jî li Nîvgirava Koreyê û herêmê rê li ber zêdebûna rageşiya leşkerî vedike.
