Kûrtûlmûş anî ziman ku karên komîsyonê ji aliyê dîroka siyaset û demokrasiyê ya Tirkiyeyê dikare bibe asteke krîtîk û got, “Eger ev komîsyon karên xwe bi serketî biqedîne, wê fonksiyoneke dîrokî bi cih anî be. Ji bo siyaset û demokrasiya Tirkiyeyê wê qonaxeke girîng hatibe derbaskirin.”
Kûrtûlmûş diyar kir ku komîsyonê heta niha di 11 civînan de li 80 kesî guhdarî kiriye, zêdeyî 50 saetî kar kiriye û di encamê de jî raporek ji 830 rûpelî amade kiriye. Kûrtûlmûş got, “Em êdî nêzî bidawîbûna pêvajoya guhdarîkirinê dibin. Meha Cotmehê piştî guhdarîkirina li saziyên civaka sivîl ên din ên bi pêşniyarên we hatine diyarkirin, em ê derbasî asta amadekirina rapora karekî berfireh û sererastkirinên qanûnî bibin ku pêşkêşî Civaka Giştî ya Meclîsê bê kirin.”
Kûrtûlmûş bi dewamî got, “Piştî ku di nava meha Cotmehê de li saziyên civaka sivîl ên mayî hate guhdarîkirin em ê giraniyê bidin ser amadekirina rapora kar û sererastkirinên qanûnî ku armanca esasî ya komîsyonê ye” û bi vî rengî dewam kir, “Ev rapor wê weke encameke vê wezîfeya me pêşkêşî Meclîsê bê kirin ku bi navê milet em bi vî karî radibin.”
Di rûniştina destpêkê ya civînê de li nûnerên SETA, DÎTAM, Rawest, Navenda Karên Kurd û EKEAV’ê, di rûniştina duyemîn de jî wê li nûnerên Enstîtuya Enqereyê, SAHAM, TEPAV û ORSAM’ê bê guhdarîkirin.
