Bi pêşengiya Tevgera Jinên Azad (TJA), ji bo Gulden Komurcu ku di 21’ê Gulanê de ji aliyê zilamê ku pê re zewicibû ve hatibû qetilkirin li navçeya Bazîdê ya Agiriyê meşek hat lidarxistin. Gelek jin beşdarî meşê bûn û li dijî qetilkirina jinan û polîtîkayên bêcezatiyê daxwaza edaletê kirin.
Jinên ku li qada Cumhuriyetê kom bûn bi berzkirina dirûşmeyên “Qetilkirina jinan polîtîk e”, “Ji Gulden re edalet” û “Kujer diyar in, edalet li ku ye?” heta ber edliyeyê meşiyan.
Piştî meşê, berdevka TJA’yê ya Agiriyê Dîlan Başboga axivî û diyar kir ku qetilkitina jinan ji ber polîtîkayên bêcezatiyê zêde dibin û xwest ku tavilê kujer bê girtin û û ji bo parastina jinan mekanîzmayên parstinê yên bi bandor bê bicihanîn.
Keça Gulden Komurcu Hîra Nûr Komurcu diyar kir ku dayika wê bi salan rastî tundiyê hatiye û tevî fermana parastinê jî gefên li ser dayika wê berdewam kirin.
Hîra Nûr Komurcu anî ziman ku dayika wê li ber çavên wê hat qetilkirin û ji ber ku 12 roj in kujer nehatiye girtin bertek nîşan da û daxwaza xwe ya edaletê dubare kir.
Parlamentera DEM Partiyê ya Agiriyê Nejla Demîr jî di çalakiyê de axivî û bal kişand ser pêşînegirtina qetilkirina jinan û anî ziman ku ji bo parastina mafê jiyanê yê jinan wê têkoşîna xwe bidomînin.
Çalakî bi berzkirina dirûşmeyan bi dawî bû.
