Hilbijartina di navbera serokê demkî yê berê yê dewletê Jorge “Tuto” Quiroga (65) û senatorê rastgir ê navendî Rodrigo Paz (58) de, di demeke welê de pêk tê ku gel rû bi rûyê pirsgirêkên giran ên aborî ye.
Dema Serok Luis Arce qediya û dubare nebû namzet. Arce dê 8’ê Mijdarê wezîfeyê dewr bike. Dema Arce li welêt weke krîza herî xirab a aborî ya 40 salên dawî tê pênasekirin.
Ji ber ketina di îxracata gazê de û kêmahiya razemeniyê, rezervên dowîzê kêm bûne û subvansiyonên benzînê êdî nikarin bên domandin. Li welêt krîza benzîn heye, enflasyon ji sedî 23’yê derbas kiriye.
Li kolanan gel ji bo benzînê demek dirêj di rêzên benzînê de dimîne, hêviya gel her diçe kêm dibe. Pispor diyar dikin ku eger hikûmeta nû alîkarî nede xizanan, wê xeteriya serhildana civakî çêbibe.
