Platforma Ked û Demokrasiyê ya Şirnexê li navçeya Cizrê panela bi sernavê “Aştî û heqîqetê” li dar xist. Penala ku li hola konferansê ya şaredariyê hat lidarxistin, bi deqeyek rêzgirtinê dest pê kir. Panel ji hêla parêzer Şivan Sakman ve hat rêvebirin.
‘TI ÊŞ VALA NEÇÛ’
Koordînatora Navenda Lêkolînên Qada Civakî-Siyasî Yuksel Genç bi bîr xist ku ew di nava Koma Çareseriya Demokratîk a 1999’an de bû. Yuksel Genç destnîşan kir ku di wan salan ss hewldanên wan ê aştiyê çêbûn û got: “Heta niha ti tişt vala neçû. Ti êş vala neçû. Her çiqasî weke ku desketî kêm xuya dide jî ji sala 1993’yan vir ve bi aramî didomw û gavên mezin hatin avêtin. Ger wê demê guh bidana bangên aştiyê bi sedan, bi hezaran kes jiyana xwe ji dest nedidan. Zîhniyeta ku Kurdan tine dihesibîne hilweşiyaye; îro kes nikare bêje, ‘Kurd tineye.’ Ev encama berdêlên giran e.”
‘DIVÊ LI MECLISÊ OCALAN GUHDAR BIKIN’
Endama Tevgera Jinên Azad (TJA) Sebahat Tuncel li ser girîngiya Cîzîr a di têkoşîna azadiya Kurd de rawestiya û diyar kir ku Rêber Apo bi salan e li muxatab digere. Tuncel anî ziman ku divê Meclis avakirina komîsyonê Rêber Apo guhdar bike û got: “Ger komîsyon nikaribe biçe, divê şert û mercên hatina birêz Ocalan a ji bo Meclisê werin afirandin. Kurdan erka li ser milê xwe pêk anî û dike, lê dewlet erka xwe pêk nayne. Divê tecrîd were rakirin û azadiya fîzîkî jî di nav de derfeta azadiyê bê afirandin. Wekî ku Devlet Bahçelî got, divê Ocalan bikaribe bê Meclisê û siyasetê bike. Paradîgmaya wî ne tenê ji bo Kurdan, ji bo hemû gelên cîhanê rêyek azadiyê ye.”
‘JI BO AŞTIYÊ DIVÊ BI PAŞEROJA XWE RE RÛ BI RÛ BÊN’
Rojnamevan Serdar Korucu jî diyar kir ku 30’ê Tebaxê Roja Windakirinên Bi Zorê ye. Korucu destnîşan kir ku têkoşîna Dayikên Şemiyê kuştinên kiryar nediyar aniye rojevê û ji bo civakîbûna aştiyê divê bi pşeroja xwe re rû bi rû bên.
