Di encama erdhejê de ya li herêmeke li ser sînorê Pakistanê qewimî, li gorî daxuyaniya berdevkê Wezareta Karên Hundir herî kêm 622 kes mirin, zêdeyî 1500 kes birîndar bûn.
Li gorî ajansa Bakhtar a fermî, bîlanço hîn şênber nebûye; tîm hewl didin xwe bigihînin herêmên çiyayî ku derfetê xwegihandina wan herêman kêm e.
Navenda Lêkolînên Jeolojîk a DYE’yê diyar kir ku erdhej bi 27 kîlometreyan li bakurrojhilatê paytexta wîlayeta Nangahar Celalabadê bi 8 kîlometreyan li binê erdê rû da.
Paytext Kabûl jî di nav de gelek herêm bi erdhejê hesiyan; li hin herêman înternet qut bû. Tîmên alîkariyê ji bo asta xisarê tespît bikin û piştgiriyê bidin erdhejzedeyan kar dikin.
Efganistan li rêzeçiyayên Hindukuş e ku plakayên tektonîk ên Avrasya û Hint lê digihêjin hev, lewma gelek caran erd lê diheje.
