Fona Alîkariya Zarokan a Neteweyên Yekbûyî (UNICEF) Rapora Rewşa Mirovî ya Efxanistanê ya serdema 1 û 31’ê Gulanê weşand. Di raporê de hate diyarkirin ku tengbûna aborî, xizaniya kûr dibe û bi taybetî jî kêmasiya perwerdeya zarokan li pêşiya bikaranîna mafên bingehîn astengiyên mezin in.
Li gorî raporê di meha Gulanê de nêzîkî 43 hezar zarokan ji bernameyên perwerdeya têkildarî civakê sûd wergirtiye. Di raporê de hate diyarkirin ku tundiya ji ber krîza berdewam dike, zexta derûnî û lawaziya civakî zêde kirine û hate destnîşankirin ku di çarçoveya xebatên tenduristî û xwazrin-vexwarinê de li seranserê welêt zêdetirî 3 hezar û 500 navendên xwarin-vexwarinê dixebitin.
HEWCEHIYA BI MILYONAN KESAN BI ALÎKARIYA LEZGÎN HEYE
Di raporê de hate diyarkirin ku ji ber kûrbûna xizaniyê, kêmbûna hêza kirînê û neewlebûna xwarin-vexwarinan li ba zarokan rê li ber giranbûna pirsgirêka xwarin-vexwarinê vekirine.
UNICEF’ê da zanîn ku wê di meha Gulanê de li gel 2 hezar û 393 navendên tenduristiyê yên sabît û 16 ekîbên tenduristiyê yên gerok ên li 34 bajarên Efxanistanê xizmeta tenduristiya bingehîn daye zêdetirî 6,5 milyon kesan.
Her wiha di raporê de hate îfadekirin ku di çarçoveya Plana Alîkariya Mirovî ya 2026’an de li Efxanistanê 22,9 milyon kes hewceyî alîkariya lezgîn in û ji wan 12 milyon zarok in.
Li gorî daneyên Neteweyên Yekbûyî, li Efxanistanê hê jî yek ji girantirîn krîza mirovî heye.
