Li gorî agahiyên ku AFP’ê ji Wezareta Tenduristiyê wergirtiye, piraniya kesên mirine jin û zarok bûn. Li gorî rayedaran, hejmara mirinan a ragihandî ya 63 kesan, tenê kesên ku gihîştine nexweşxaneyan dihewîne; gelek ji wan ji ber ewlehî û ne peydabûna rê ji aliyê malbatê ve bêyî dermankirinê hatine veşartin.
El-Faşîr ji aliyê Hêzên Desteka Lezgîn (HDK) ve hatiye dorpêçkirin, ku ji Nîsana 2023’yan vir ve bi artêşê re şer dikin. Bihayên xwarinê pir zêde dibin, berhemên bingehîn xurekê kêm dibin û mirov bi xwarina heywanan dijîn.
Li gorî NY’ê, ji sedî 40’ê zarokên di bin 5 salî de li bajêr ji kêmbûna xwarinê ya akût dikişînin, û ji sedî 11 jî ji kêmbûna xwarinê ya giran. Krîza li Sûdanê 25 mîlyon kes xistiye nav bêewlehiya xwarinê ya akût û şer alîkariyê asteng dike.
Şerê ku di sala xwe ya sêyemîn de ye bûye sedem bi deh hezaran kes bimirin û 13 mîlyon kes jî koçber bibin. Piştî girtina Hartûmê ji aliyê artêşê ve di Adara 2025’an de, HDK’ê hewl dide ku kontrola xwe ya li ser Darfûrê zêde bike. Her du alî jî bi sûcên şer ên giran têne tawanbarkirin.
