Di daxuyaniyan de ku bi pêşengiya ÎHD û OHD’ê hate dayin, hate ragihandin ku rewşa Çam di asteke welê de ye ku nikare jiyana xwe li nava mercên gitîgehê dewam bike û hate xwestin ku bi lez bê berdan.
Di daxuyaniyan de hate bibîrxistin ku girtiyê nexweş Mehmet Edîp Taşar ji ber ku nehat berdan jiyana xwe ji dest da û ji bo heman rewş rû nede bang hate kirin ku tavilê gav bê avêtin.
Li Stenbol, Şirnex, Êlih, Sêrt, Amed, Dersim, Wan, Colemêrg û Enqereyê bi vê armancê daxuyanî hate dayin û işaret bi extiyarî û nexweşiyên kronîk ên Mehmet Emîn Çam hate kirin. Hate ragihandin ku mercên girtîgehê li ser mafê jiyanê û gelek mafên bingehîn gefeke.
Di daxuyaniya li Şaxê Stenbolê ya ÎHD’ê de bang li rayedaran hate kirin ku ne tenê Mehmet Emîn Çam hemû girtiyên nexweş berdin. Heman bang li bajarên din jî di daxuyaniyan de hate kirin.
