Ji ofîsa Serokê Dewleta Ûkraynayê Volodimir Zelenski daxuyanî hate dayîn û hate diyarkirin ku di hevdîtinên dawî yên li Cenevreyê de aliyê Rûs bi erênî nêzî plana garantiyên ewlehiyê ya ku DYE’yê pêşkêş kirî, bûye.
Yek ji şêwirmendên payebilind ê Zelenski, Kyrylo Budanov roportaj da televîzyona Ûkraynayê û got, “Di hevdîtinên dawî de aliyê Rûs anî ziman ku ew ê garantiyên ewlehiyê yên ku ji aliyê DYE’yê ve pêşkêşî Ûkraynayê hatî kirin, qebûl bikin.”
Tê diyarkirin ku garantiyên ewlehiyê ya navborî ji bo vê yekê ye ku eger Rûsya piştî peymaneke aştiyê ya muhtemel car din êrîş bike, wê DYE û mutefîkên Ewropayî mudaxile bikin.
Serokê DYE’yê Donald Trump bang li Moskow û Kîevê kir ku ji bo bidawîkirina şerê herî mezin ê li Ewropa, li hev bikin.
