Şêniyên taxên Şêxmeqsûd û Eşrefiye, koçberên kantona Efrîn û Şehbayê li goristana Şehîdên Berxwedana Taxên Şêxmeqsûd û Eşrefiye li herêma Şiqeyif cenazeyê şervanê Hêzên Sûriya Demokratîk (QSD) Zagros Botan (Hesen Salih) ê li bajarê Sirînê yê Reqayê şehîd bûye û endamê Hêzên Ewlekariya Hundirîn Mihemed Elûş (Mihemed Musa Hisên) ê 20`ê Tebaxa li Helebê şehîd bûye, veşartin.
Endamê Meclisa Malbatên Şehîdan Mîdye Efrîn di merasîmê de axivî û got: “Her du şehîd ji gel û dozê xwe re, durst û fedakar bûn. Ji bo azadiyê canê xwe feda kir. Wê di bîra her kesî de zindî bimînin.”
Endamê Rêveberiya Hêzên Ewlekariya Hundirîn Zagros Helebê axivî û soz da ewlehiya herêmê li ser şopa şehîdan biparêzin.
Di dawiya merasîmê de wesîqeyên şehadetê yên her du şehîdan hatin xwendin. Piştre girseyê cenazeyên her du şehîdan veşartin.
