Şaredarê Bajarê Mezin ê Stenbolê Ekrem Îmamoglû ku bi îdîaya ‘nelirêtî’ û ‘alîkariya ji bo rêxistinê’ di 19’ê Adarê de hate binçavkirin, kete ber lêpirsîneke din.
Îmamoglû ku hîn jî di binê çavan de ye li ser hesabê xwe yê medya dîjîtal parvekirinek kir û got, “Min dixwest îfadeyê bidim, lê niha di binê çavan de me. Naxwe bi dilxwazî min ê kreşên ku me ji bo zarokên vî bajarî çêkirine biparasta. Kreşên ewladên me emanetî miletê me dikim.”
Di vê navberê de 54 kesên ku têkildarî binçavkirina 87 kesan ku Ekrem Îmamoglû jî di nav de ye li ser medya dîjîtal parvekirin kirin, hatin binçavkirin.
