Kampanya ji aliyê girtiyên siyasî yên 38 girtîgehên li Rojhilatê Kurdistan û Îranê ve hatibû destpêkirin.
Li gorî daxuyaniya ku di roja 72’an a kampanyayê de hate dayîn, ji destpêka meha Hezîranê ve (1-10 Hezîranê) li Îran û Rojhilata Kurdistanê 95 kes hatin darvekirin.
Her wiha di tevahiya meha Hezîranê de 16 kes li girtîgehan jiyana xwe ji dest dane.
Di daxuyaniyê de hate diyarkirin ku rayedarên Îranê nikarin bersivê bidin krîza aborî û bi rêya bêdengkirin û darvekirinê daxwazên gel dinixumînin.
JI SERÊ SALÊ VE BI SEDAN KES HATIN DARVEKIRIN
Li gorî rapora meha Gulanê ku ji aliyê Rêxistina Mafên Mirovan a Îranê (IHR) ve hate weşandin, li Îranê di nava mehekî de herî kêm 152 kes hatin darvekirin.
Di raporê de hate diyarkirin ku di pênc mehên sala 2025’an de 16 jê jin herî kêm 511 kes hatine darvekirin û ev hêjmar li gorî 2024’an ji sedî 96 zêde bûye. Lê tenê 28 ji van darvekirinan ji aliyê çavkaniyên fermî ve hatin ragihandin.
