Çalakgerên Mexmûrê ku ji bo şikandina tecrîda girankirî ya li ser Rêber Apo û mîsogerkirina azadiya fîzîkî ya Rêber Apo ku zêdeyî du salane çalakiya nobetê dayîne destpêkirin bê navber bi biryardariyek xurt didome.
Çalakiya nobetê ya ku li Wargeha Penaberan a Şehîd Rustem Cûdî (Mexmûr) ji bo mîsogerkirina azadiya fîzîkî ya Rêber Apo di 20’ê Tîrmeha 2023’an de hatibû destpêkirin di roja 952’an de bi koma 186’an didome.
Merasîma dewirgirtinê li Saziya Malbatên Şehîdan bi deqeyek rêzgirtin ji bo tevahî şehîdên doza azadiya Kurdistanê destpê kir. Piştî Rêzgirtinê çalkvana bi navê Sosin Dostkî daxuyanî xwend.
Daxuyanî wiha ye:
“Em tecrîda ku li ser Rêbertî şermezar dikin û daxwaz dikin ku di demek nêzîk de di nava xwe de bibînin. Wek jin û ciwan em xwe deyndarê rêbertiya xwe dibînin, ji ber wê hemû çalakiyên ku ji bo azadiya rêbertî tên sazkirin erka xwe ya bingehîn dibînin.
Em di pêvajoyek hesas û girîng re derbas dibin û dizanîn ku wê ev pêvajo bi paradîgmaya rêbertî ser bikeve. Ji ber ku di roja me ya îro de nêrîn û dîtinên wî ji hemû kaos û pirsgirêkên di Rojhilata Navîn de tên jiyankirin re çareserîne. Ji ber ku ev pêvajo tenê ji aliyê me gav tên avêtin û jdi aliyê dewletê de ti pêşketin nîn e û jêre xemsare, em vê nêzîkatiya wan rast nabînin. Ji ber ku eger windahiyek çêbibe, wê ne tenê Kurd hemû gelên ku di Tirkiyê de jiyan dikin jî winda bikin. Ev nêzîkatî di rapora komîsyona ku hatî avakirin de jî diyare û cihê gûmana ye.
Ger rewşa rêbertî neyê guncaw kirin û gavên ber biçav neyên avêtin, wê êdî bertekên cûda bên raberkirin. Ji bo wê ti pirsgirêk bi şer nayê çareserkirin, dawiya wê diyalog û jiyanek hevseng e. Em jî bi hêvîne ku bi fikir û ramanên rêbertiya me û têkoşîna gelê Kurd wê ev pêvajo bi ser bikeve û wê di berjewendiyê hemû gelan de bê encamdan. Weke wargeh jî dê hemû çalakiyên me li ser vê yekê bin.”
Piştî daxuyaniyê çalakî bi dirûşmeyên ‘Bijî Serok Apo’, ‘Bê Serok Jiyan Nabe’ û ‘Jin Jiyan Azadî’ dewrî koma nû kir.
