Rêxistina Partiya Wekhevî û Demokrasiyê ya Gelan (DEM Partî) a Kocaeliyê di çerçoveya “Civînên Aştî û Civaka Demokratîk” de li Navenda Çandê ya Yunus Emre civîna gel li dar xist. Hevserokê Giştî yê DEM Partiyê Tuncer Bakirhan, ji parêzerên Buroya Hiqûqê ya Sedsalê Îbrahîm Bîlmez û Endamê Meclîsa DEM Partiyê Hasîp Şen tevlî civînê bûn.
Di civînê de Hevserokê Giştî yê DEM Partiyê Tuncer Bakirhan axivî. Bakirhan anî ziman ku bi van civînan armanca wan ew e ku hemû beşên civakê tevlî pêvajoyê bibin û wiha got: “Em ji bo karekî pir girîng û baş li vir in. Di her hevdîtina me de em zext û êşan dipeyivin, lê vê carê em ji bo axaftina li ser aştiyê li hev kom bûne. Eger em bi ser bikevin, em ê Tirkiyeyeke demokratîktir biaxivin ku 86 milyon tê de bi azadî bêhna xwe vedin, ji ber ramanên xwe neyên girtin.”
Bakirhan diyar kir ku eger gel, kedkar û bindest bên ba hev, dikarin aşitiyê bi dest bixin û wiha dom kir: “Em naxwazin kes ji ber ramanên xwe bikeve girtîgehê. Em dixwazin gelê Tirkiyeyê bêyî tirsa lêdana deriyê xwe, bi hêvî li pêşerojê binêre.”
Bakırhan bal kişand bi ser girîngiya tevlêbûna çalak a ciwanan di vê pêvajoyê de û wiha got: “Hêviyên ciwanan tên tinekirin. Divê di vê pêvajoyê de herî zêde ciwan tevkariyê bikin, mal bi mal, kuçe bi kuçe bigerin û aştiyê vebêjin. Li gel ku Birêz Abdullah Ocalan 27 sal in di hücreye de tê ragirtin, bawer dike ku wê aştî li vî welatî bi ser bikeve. Dibêje, ‘Eger aştî bibe civakî, em ê bi ser bikevin’.”
