Li gorî çavkaniyên xwecihî, komeke çekdarî ya ji çar kesan pêk tê kamerayên ewlehiyê betal kirine, ketina mala Seyfulîslam û ew kuştine.
Seyfulîslam Kaddafî yê 53 salî yê ku demeke dirêj weke şûngirê bavê xwe dihat zanîn, ji ber sûcên li dijî mirovahiyê Dadgeha Cezayê ya Navneteweyî li wî digeriya.
Seyfulîslam Kaddafî, di sala 2011’an de piştî ku rejîm ji aliyê NATO’yê ve hate hilweşandin hate girtin, di sala 2015’an de cezayê darvekirinê hate birîn lê belê piştre di çarçoveya efûya giştî de hatibû berdan.
Seyfulîslam Kaddafî di sala 2021’an de ji bo serokatiya dewletê namzetbûna xwe eşkere kiribû û her wiha ev demek dirêj bû cihê lê dima nedihat zanîn.
Pispor diyar dikin ku kuştina wî wê bandorê li hevsengiya siyasî ya li Lîbyayê bike û dibe ku weke ‘’şehîd’’ jî were dîtin.
Lîbya, ji hilweşanina rejîma Kaddafî ve ye aramî bi dest nexistiye. Li welêt Hikûmeta Yekîtiya Neteweyî ya ji aliyê Neteweyên Yekbûyî ve tê naskirin û rêveberiya di bin kontrola Mareşal Xelîfe Hafter de du hêzên cuda hene.
