Ji bo bîranîna Jîna Emînî çalakiya “Jîna Emînî û Hevdîtina Sosyal a Jinan” 14’ê Îlonê di saet 14:00’an de li Navenda Civaka Kurd a London Haringeyê were lidarxistin.
Çalakiya ku ji aliyê Meclîsa Jinan a Jiyan ve tê organîzekirin, armanc dike ku bîranîna Jîna Emînî û hemû jinên hatine qetilkirin bide jiyîn. Her wiha armanc dike ku qadekî ku jin bikaribin li hev bicivin, parvekirinê bi hev re bikin, piştevaniyê bikin û bi hev re hilberînîn, ava bike.
Di çalakiyê de nivîskara femînîst û damezrênera Women for Refugee Natasha Walter, Berdevka One Law for All Maryam Namazie, ji Komîteya Parlamentoya PJAK’ê Mehtî Rezaî, ji Yekîtiya Jinên Iraqê- Ingilistanê Noura Sabrî, Parêzvana mafên jinan a Tamîllî Dr. Shîrona Judê-Manorajf, aktivîsta mafên jinan a Efgan û damezrênera Dewa Trust Foundatîon Dewa Khan û Hunermend Frent Pavrî wekî axaftvan cih bigirin.
Hunermenda perkusyon a bixelat û damezrînera Zagors Ensemble Sara Fotros, hunermend EKA a ji Ukranyayê û Royal Albert û hunermenda Kurd Suna Alan ku derdikeve ser dîkên TEDx’ê, di çalakiyê de derkevin ser dîkê.
Di daxuyaniya Meclîsa Jinan a Jiyan de wiha hate gotin: “Em bi ruhê ‘Jin, Jiyan, Azadî’ dimeşin. Ev hevdîtin bi qasî ku bîranînek e, di heman demê de roja pîrozkirina hêz û bihevrebûna jinan e.”
Çalakî beleş e û wê ji her kesî re vekirî be.
Cih: Navenda Civaka Kurd a Demokratîk, 11 Portland Gardens, London N4 1HU
Dîrok: 14’ê Îlonê di saet 14:00’an
Ji bo yên ku dixwazin agahiyên zêdetir bigirin: [email protected]
